B'day...2

生日都要番工...無計, 剛去完旅行廢事又請假, 最重要係一哥好忙唔可以陪我啦.

Anyway, 我係公司忙到嘔之餘(真架, 我呢排忙annual report), 同事們同我慶祝. 好開心呢, 我地去食韓國燒烤, 得一個鐘頭多dd既lunch, 我地爭取時間狂燒狂擦, 重有好好味既石頭窩飯, 食到大家捧住個肚走...飽!!! 星期一再請他們飲珍珠奶茶啦~~

今晚食我第一餐既B'day dinner, 去左"峄sushi"食, 好味呀~~

最重要係同班好朋友一齊, 食咩都開心啦.

多謝你地既生日禮物,  我好鍾意呀! 

我聽日又番鄉下啦, 係一哥至愛既泰國!

出發前已收到一堆shopping list, 真係好大壓力~

今次帶左兩個大喼, 預備掃貨, 好開心.

一哥會帶notebook, 我得閒upload d 相上黎啦~

see you~~

希望越大,失望越大, 誰都明白的道理. 但是到真正面對時, 還是會令人失望的.

以考試為例, 每次都要有"輸"的準備, 但是當失敗殺到埋身, 心裡還是不好受. 心想:自己有努力過, 辛苦過, 為何事情不是我所想, 現在又要跑回起點, 不是白白浪費了半年時間嗎?

都一把年紀, 又不是第一次失望, 我理應習慣了, 或者下次應有更好的心理質素.

收到成績, 我唔合格呀!

雖然話得五成把握姐, 但係唔使咁marginal...

我爭一分合格~~~~~頂!(x 100)

我唔開心左三分鐘, 算啦~~考唔到又唔使死, 下次再黎過.

不過呢, 爭一分真係想嘔血~~~~ 

恭喜發財! 祝大家萬事如意, 身體健康! 牛年賺多d~~~~

今日年初一好忙, 一日跑三處拜年, 爸爸媽媽老爺奶奶姑媽阿姨...一日攪掂, 所以十一點先番屋企, 好累啦~~~

聽日阿媽細佬上黎打牌, 要煎糕招呼大家, 都未有得休息住啦~

但係, 初四開工呀, 我仲要煲劇"命中注定我愛你, 想早d訓都唔得~

Happy new year!

祝大家身體健康, 心想事成, 今年好過舊年!

公司開party, 交換禮物之餘, 仲有大獎抽~

呢part只有co sec 同 account department 既同事, 人少少都好開心.

今個christmas好開心, 收到好多禮物!

主要係公司抽獎中左好多啦.

好野~ 考完試!

我識唔識? 梗係唔識啦, 50:50啦~~不過唔諗lu, 兩個月後就知成績.

我要快樂過聖誕, 可以shopping去玩啦!

終於開始溫書, 冇咩信心, 盡力而為啦.

尋晚上最後一堂Revision class, 餘下日子就為12月10日既exam忙碌.

今日行完街, 四點幾去買餸煮飯仔.

其實, 星期日我多數會煮飯, 煲啖湯俾一哥飲. 我見佢呢幾日生左粒暗瘡, 個人仲燥燥地, 雖然今日唔夠時間, 我都滾個莞茜皮蛋魚片湯, 另加三個簡單餸菜...

想左好耐啦, 今日終於都煮魚湯米綫.

我見到貓固之然開心, 見到貓貓精品都會癲晒.

今日去旺角又有新發現, 係韓國design, 真係好鬼得意架.